ਟਰੰਪ ਦੀ ਭਾਰਤ ਨੂੰ ਧਮਕੀ: “24 ਘੰਟਿਆਂ ‘ਚ ਵਧੇਗਾ ਟੈਰਿਫ”, ਦਵਾਈਆਂ ‘ਤੇ 250% ਟੈਕਸ ਲਗਾਉਣ ਦਾ ਐਲਾਨ
ਭਾਰਤ ਨੂੰ ਟਰੇਡ ਪਾਰਟਨਰ ਵਜੋਂ ਲੈਕੇ ਨਾਖੁਸ਼ ਡੋਨਾਲਡ ਟਰੰਪ, ਰੂਸ ਤੋਂ ਤੇਲ ਦੀ ਖਰੀਦ ਤੇ ਵੀ ਉਠਾਏ ਸਵਾਲ
250 percent tariff on pharma: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਭਾਰਤ ‘ਤੇ ਵਪਾਰਕ ਦਬਾਅ ਬਣਾਉਂਦੇ ਹੋਏ ਟੈਰਿਫ ਵਧਾਉਣ ਦੀ ਖੁਲ੍ਹੀ ਚੇਤਾਵਨੀ ਦਿੱਤੀ ਹੈ। ਟਰੰਪ ਨੇ ਕਿਹਾ ਕਿ ਭਾਰਤ ਉਨ੍ਹਾਂ ਲਈ ‘ਵਧੀਆ ਟਰੇਡ ਪਾਰਟਨਰ ਨਹੀਂ’ ਹੈ, ਅਤੇ ਉਹ ਅਗਲੇ 24 ਘੰਟਿਆਂ ਵਿੱਚ ਟੈਰਿਫ ਹੋਰ ਵਧਾ ਸਕਦੇ ਹਨ।
ਫਾਰਮਾ ਇੰਡਸਟਰੀ ‘ਤੇ 250% ਟੈਰਿਫ ਲਗੇਗਾ: ਟਰੰਪ
ਅਮਰੀਕੀ ਚੈਨਲ CNBC ਨੂੰ ਦਿੱਤੇ ਇੰਟਰਵਿਊ ਵਿੱਚ ਟਰੰਪ ਨੇ ਦਵਾਈ ਉਦਯੋਗ ਉੱਤੇ 250% ਤੱਕ ਟੈਕਸ ਲਗਾਉਣ ਦੀ ਚੇਤਾਵਨੀ ਦਿੱਤੀ। ਟਰੰਪ ਨੇ ਕਿਹਾ:
“ਅਸੀਂ ਸ਼ੁਰੂ ‘ਚ ਥੋੜ੍ਹਾ ਟੈਕਸ ਲਗਾਵਾਂਗੇ, ਪਰ ਇੱਕ ਸਾਲ ਦੇ ਅੰਦਰ ਅਸੀਂ ਇਸਨੂੰ 150 ਤੋਂ 250% ਤੱਕ ਲੈ ਜਾਵਾਂਗੇ, ਕਿਉਂਕਿ ਅਸੀਂ ਚਾਹੁੰਦੇ ਹਾਂ ਕਿ ਦਵਾਈਆਂ ਸਿਰਫ਼ ਅਮਰੀਕਾ ਵਿੱਚ ਬਣਨ।”
ਇਹ ਬਿਆਨ ਉਸ ਸਮੇਂ ਆਇਆ ਜਦੋਂ ਟਰੰਪ ਸਰਕਾਰ ਨੇ ਦਵਾਈ ਕੰਪਨੀਆਂ ‘ਤੇ ਦਬਾਅ ਬਣਾਇਆ ਹੈ ਕਿ ਉਤਪਾਦਨ ਅਮਰੀਕਾ ਵਿੱਚ ਕੀਤਾ ਜਾਵੇ, ਨਾ ਕਿ ਚੀਨ ਜਾਂ ਭਾਰਤ ਵਰਗੇ ਦੇਸ਼ਾਂ ਵਿੱਚ।
ਭਾਰਤ ਤੇ ਰੂਸ ਦੇ ਤੇਲ ਸੌਦੇ ਤੇ ਟਰੰਪ ਭੜਕੇ
ਟਰੰਪ ਨੇ ਭਾਰਤ ਨੂੰ ਇਲਜ਼ਾਮ ਲਾਇਆ ਕਿ ਉਹ ਰੂਸ ਤੋਂ ਵੱਡੀ ਮਾਤਰਾ ਵਿੱਚ ਸਸਤਾ ਤੇਲ ਖਰੀਦ ਕੇ ਉਨ੍ਹਾਂ ਦੀ ਮਾਰਕੀਟ ‘ਚ ਮਹਿੰਗਾ ਵੇਚ ਰਿਹਾ ਹੈ। ਟਰੰਪ ਨੇ ਕਿਹਾ:
“ਇਹ ਵਿਅਪਾਰਕ ਨਿਆਂ ਨਹੀਂ। ਅਸੀਂ ਇਸ ‘ਤੇ ਜਵਾਬੀ ਕਾਰਵਾਈ ਕਰਾਂਗੇ।”
ਰੂਸ ਨੇ ਟਰੰਪ ਨੂੰ ਦਿੱਤੀ ਨਸੀਹਤ, ਭਾਰਤ ਦੇ ਹੱਕ ਵਿੱਚ ਆਇਆ ਅੱਗੇ
- ਟਰੰਪ ਦੀ ਟਿੱਪਣੀ ਤੋਂ ਕੁਝ ਘੰਟਿਆਂ ਬਾਅਦ ਰੂਸ ਨੇ ਭਾਰਤ ਦਾ ਸਮਰਥਨ ਕਰਦਿਆਂ ਕਿਹਾ:
- “ਸੰਪ੍ਰਭੂ ਦੇਸ਼ ਆਪਣੇ ਆਰਥਿਕ ਹਿਤਾਂ ਦੇ ਅਧਾਰ ‘ਤੇ ਆਪਣੀਆਂ ਸਾਂਝਾਂ ਚੁਣਣ ਦੇ ਹੱਕਦਾਰ ਹਨ।”
- ਰੂਸ ਨੇ ਇਹ ਵੀ ਕਿਹਾ ਕਿ ਵਿਸ਼ਵ ਵਪਾਰ ਨੂੰ ਧਮਕੀਆਂ ਅਤੇ ਦਬਾਅ ਦੇ ਰਾਹੀ ਨਿਯੰਤ੍ਰਿਤ ਕਰਨਾ ਅਣਚਾਹੀਤ ਨਤੀਜੇ ਲਿਆ ਸਕਦਾ ਹੈ।
7 ਅਗਸਤ ਤੋਂ ਭਾਰਤੀ ਉਤਪਾਦਾਂ ‘ਤੇ 25% ਅਮਰੀਕੀ ਟੈਰਿਫ ਲਾਗੂ ਹੋਣਗਾ
ਟਰੰਪ ਸਰਕਾਰ ਨੇ ਪਹਿਲਾਂ ਹੀ 7 ਅਗਸਤ 2025 ਤੋਂ ਭਾਰਤ ‘ਤੇ 25% ਆਯਾਤ ਟੈਰਿਫ ਲਾਗੂ ਕਰਨ ਦਾ ਐਲਾਨ ਕੀਤਾ ਸੀ। ਹੁਣ ਉਹ ਇਹ ਦਰ ਹੋਰ ਵਧਾਉਣ ਦੀ ਗੱਲ ਕਰ ਰਹੇ ਹਨ।
ਮੌਜੂਦਾ ਵਪਾਰਕ ਹਾਲਾਤ ਤੇ ਸਿਆਸੀ ਤਣਾਅ
ਟਰੰਪ ਦੀਆਂ ਨਵੀਆਂ ਧਮਕੀਆਂ ਅਮਰੀਕਾ ਵਿੱਚ ਚੱਲ ਰਹੀ ਚੋਣੀ ਮੁਹਿੰਮ, ਚੀਨ ਨਾਲ ਤਣਾਅ, ਅਤੇ ਦਵਾਈਆਂ ਦੀਆਂ ਉੱਚੀਆਂ ਕੀਮਤਾਂ ‘ਤੇ ਘਰੇਲੂ ਚਿੰਤਾਵਾਂ ਨਾਲ ਜੁੜੀਆਂ ਹੋਈਆਂ ਹਨ।
ਵ੍ਹਾਈਟ ਹਾਊਸ ਨੇ ਮਈ 2025 ਵਿੱਚ ਕਿਹਾ ਸੀ ਕਿ ਅਮਰੀਕਾ ਵਿੱਚ ਦਵਾਈਆਂ ਦੀਆਂ ਕੀਮਤਾਂ ਹੋਰ ਵਿਕਸਤ ਦੇਸ਼ਾਂ ਨਾਲੋਂ ਤਿੰਨ ਗੁਣਾ ਜ਼ਿਆਦਾ ਹਨ। ਇਸ ਦੇ ਬਾਅਦ ਟਰੰਪ ਨੇ ਕਈ ਸਾਂਝੇਦਾਰਾਂ ਉੱਤੇ ਵੱਖ-ਵੱਖ ਦਰਾਂ ਨਾਲ ਟੈਰਿਫ ਲਗਾਏ ਹਨ।
ਭਾਰਤ ਵੱਲੋਂ ਸੰਭਵ ਜਵਾਬੀ ਕਾਰਵਾਈ ਦੇ ਸੰਕੇਤ
ਭਾਰਤ ਦੇ ਵਿਦੇਸ਼ ਮੰਤਰਾਲੇ ਨੇ ਇੰਨ ਧਮਕੀਆਂ ‘ਤੇ ਅਜੇ ਤੱਕ ਸਧੀ ਹੋਈ ਟਿੱਪਣੀ ਨਹੀਂ ਕੀਤੀ, ਪਰ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਭਾਰਤ ਵਪਾਰਕ ਜਾਂ ਰੂਸ ਨਾਲ ਐਨਰਜੀ ਸਾਂਝਾਂ ‘ਤੇ ਟਰੰਪ ਦੇ ਇਲਜ਼ਾਮਾਂ ਦਾ ਸਖ਼ਤ ਜਵਾਬ ਦੇ ਸਕਦਾ ਹੈ।
